చిత్రమాలిక-వాడవాడలా వీరబ్రహ్మేంద్రస్వామివారి ఆరాధనోత్సవాలు

రాజయోగి, అద్వైతబ్రహ్మ శ్రీవిరాట్ పోతులూరి వీరబ్రహ్మేంద్రస్వాములవారి 327వ ఆరాధనోత్సవాలు తెలుగు నేలపై శ్రద్ధాభక్తులతో జరుపుకున్నారు. స్వామివారు జీవసమాధి అయిన రోజునే ఆరాధనా దినోత్సవంగా జరుపుకోవడం తెలుగునాట వస్తున్న సంప్రదాయం. బ్రహ్మంగారు తెలుగు, కన్నడ మూలాలకు చెందిన తత్త్వవేత్త కావడం వల్ల దక్షిణభారత దేశంలో ఆయన బోధనలకు  ప్రాశస్త్యం లభించింది. తత్వవేత్తగానే గాక యోగిపుంగవుడిగా, సామాజిక న్యాయమూర్తిగా, మహిమలు చూపిన మహిమాన్వితుడిగా, కోరిన కోర్కెలు తీర్చిన దేవదేవుడిగా, కాలజ్ఞాన ప్రదాతగా, ప్రళయానంతర కాలమున వెలుగులు ప్రసరింపజేయడానికి వచ్చే పరంజ్యోతిగా.. ఇలా అనేక విధాలుగా బ్రహ్మంగారు తెలుగువారి ఇంటిల్లిపాదికీ ఇష్టదైవం. 

ప్రపంచాన్ని కరోనా మహమ్మారి పీడిస్తున్న సమయంలో స్వామివారి ఆరాధనోత్సవాలను సామాజికదూరం పాటిస్తూ తెలుగువారు శ్రద్ధాభక్తులతో జరుపుకున్నారు. హైదరాబాద్ శ్రీనివాస్ నగర్ కాలనీలోని "శ్రీ విరాట్ విశ్వకర్మ పరిరక్షణ సమితి" రాష్ట్ర కార్యాలయంలో వ్యవస్థాపక అధ్యక్షులు "బ్రహ్మశ్రీ వేములవాడ మదన్ మోహన్" స్వామివారి చిత్రపటానికి పూలమాలలు వేసి గురుపూజా కార్యక్రమాలు నిర్వహించారు. ఆ తరువాత మదన్ మోహన్ మాట్లాడుతూ... 17 వ శతాబ్దానికి చెందిన దైవ స్వరూపుడు బ్రహ్మంగారు అని, విశ్వబ్రాహ్మణ కుటుంబంలో పోతులూరి పరిపూర్ణాచార్యులు,ప్రకృతాంబ అనే పుణ్య దంపతులకు జన్మించారన్నారు. గరిమిరెడ్డి అచ్చమ్మ ఇంట్లో పశువుల కాపరిగా చేరి ఆమె పుత్రుడికి చూపు దానం చేశారని, తాటాకులపై కాలజ్ఞానం రాశారని, అందులో రాసినవే నేటికీ జరుగుతున్నాయన్నారు. శ్రీ వీరబ్రహ్మేంద్రస్వామివారు ఒక విశ్వబ్రాహ్మణులకే కాదు అన్ని కులాలకు, మతాలకు గురువు, దైవం అని కొనియాడారు. ముస్లిం అయిన సిద్ధప్పను శిష్యునిగా చేర్చుకున్నారన్నారు. 

గద్వాల

జనగాంలో

ఖానాపూర్ 

మలక్ పేటలో

కర్నాటకలోని చిక్కబళ్లాపూర్, మంజునాథాచార్య స్వగృహం

నార్కట్ పల్లి, వీరబ్రహ్మేంద్రస్వామి ఆలయంలో

నర్సంపేటలో

సికింద్రాబాద్, విశ్వకర్మ భవనంలో

హైదరాబాద్ లోని ట్యాంక్ బండ్ పై, బ్రహ్మంగారి విగ్రహం వద్ద

విశాఖలోని స్టీల్ ప్లాంట్ వద్ద

వరంగల్ లో స్వర్ణకార సేవాసమితి ఆధ్వర్యంలో

ఖమ్మం-సైదాచారి స్వగృహంలో యజ్ఞ నిర్వహణ