తెచ్చుకున్న తెలంగాణలో హక్కుల సాధన కోసం మరో ఉద్యమం

తెలంగాణ సాకారమయ్యేందుకు జీవితాన్నే ధారవోసిన తెలంగాణ జాతిపిత ప్రొఫెసర్ జయశంకర్ కు పలువురు జర్నలిస్టులు నివాళులు అర్పించారు. జయశంకర్ లేకపోతే తెలంగాణ కల సాకారమయ్యేది కాదని, అలాంటి జయశంకర్ త్యాగాన్ని, నిస్వార్థపూరితమైన సేవభావాన్ని నేటి తరానికి అందించాల్సిన అవసరం ఉందని అభిప్రాయపడ్డారు. తెచ్చుకున్న తెలంగాణ పేదలు, బడుగులు, బలహీన వర్గాల కోసమే కాబట్టి.. వారికి ఫలాలు అందడమే ప్రత్యేక తెలంగాణ ఉద్దేశమని జయశంకర్ ఎప్పుడూ చెబుతూ ఉండేవారని గుర్తు చేసుకున్నారు. తెలంగాణ రావడం కోసం ప్రజలంతా ఏవిధంగా బయటికొచ్చి పోరాటాలు చేశారో.. తెచ్చుకున్న తెలంగాణలో కూడా హక్కులు సాధించుకోవాలంటే మరో పోరాటం చేయాల్సి ఉంటుందని.. అందుకోసం మరోసారి జయశంకర్ ఆలోచనా విధానాన్ని వ్యాపింపజేయాల్సిన అవసరం ఉందని వివిధ పత్రికల జర్నలిస్టులు అభిప్రాయపడ్డారు. 

Also Read: తెలంగాణ జాతిపిత జయశంకర్ సార్ యాదిలో..

జయశంకర్ 12వ వర్ధంతి సందర్భంగా జరిగిన ఈ కార్యక్రమం ప్రొఫెసర్ జయశంకర్ సార్ ఫౌండేషన్ ఆధ్వర్యంలో నిర్వహించారు. ఈ కార్యక్రమంలో జర్నలిస్టులు టి.రమేశ్ బాబు, ఎం.ఎన్.చారి, సోహైల్, మహేశ్ చారి, ప్రభుచారి, ఎస్.ఎన్.చారి OWOP ఫౌండర్ ప్రెసిడెంట్ లక్ష్మణ్ రావు తదితరులు పాల్గొన్నారు.